Laun forsætisráðherra ofl. varðandi þessa ríkisstjórn

Hvað hefur Forsætisráðherra í laun?

 Eru það  kr. 965.000 á mánuði?  Fyrsta spurning?

Ég ætla ekki að tala um nein önnur hlunnindi en bíl og bílstjóra.

Venjulegur maður sem hefur bíl til umráða frá fyrirtæki þarf að lúta eftirfarandi tekjuaukningu sem  eru  skattlagðar sem aðrar tekjur.

 Bíll að verðmæti  kr.10.000.000 er verðlagður sem tekjur  kr 2.000.000 á ári ( 167.000 á mán.) til tekna hjá öllum nema ráðherrum.. Laun bílstjóra allra ráðherra eru greidd  af ríkissjóði en þau geta hæglega verið kr. 500.000 á mánuði á bílstjóra ( upphæð sem ráðherra getur upplýst Hvað hefur FORSÆTISRÁÐHERRA Í LAUN, þegar þessa er gætt???? Önnur spurning?

Forsætisráðherra gerði miklar kröfur til menntunar Seðlabankastjóra, en hvaða kröfur gerir hún til sjálfrar sín, og meðráðherra sinna. Hvaða  kröfur gerir hún til fjármálaráðherra? Á hann að vera jarðfræðingur en ekki hagfræðingur? (Væri ekki eðlilegra að Lilja Mósesdóttir gegndi embættinu?) Er ekki þjóðinni orðið ljóst að hæfileikar þessara tveggja ráðherra eru langt frá því að uppfylla þær kröfur sem gera þarf til ráðherra. Allt bullið sem komið hefur frá þessari stjórn hvað varðar Icesave gerir okkur það fullljóst að þetta fólk hefur farið hörmulega með samningsstöðu Íslands og látið afdankað lið vera í forystu samninganefndar í stað þess að senda til samninga harða þekkta og hæfileikaríka menn úr lögmanna og viðskiptastétt innlenda og/eða erlenda.

Þriðja spurning?

Við höfum gegnum tíðina gert útlendinga að íslenzkum ríkisborgurum, til að nota í alþjóðamótum til keppni fyrir Íslands hönd í íþróttum, keppendur í alþjóðaviðskiptum þurfa ekki einu sinni að skipta um ríkisfang  Hvernig hefði Íslendingum litist á að kvennalið Völsungs á Húsavík hefði verið sent til Finnlands fyrir Íslands hönd í Evrópukeppnina??

Það er alltaf mikill kostnaður samfara því að senda afreksfólk til keppni, en ég er hræddur um að kostnaður  þeirrar sendinefndar sem við sendum sé dýru verði keyptur, vegna undanlátssemi og leti við að halda áfram Það skal fúslega viðurkennt að það þarf þrautsegju til að sitja í svona samningastappi. Mér er að sjálfsögðu skylt að geta þess að ég stundaði milliríkjaviðskipti í inn og útflutningi um 35 ára skeið. Ég hefði ekki viljað að afdankaðir embættismenn eða stjórnmálamenn hefðu farið fyrir sendinefndum í þeim viðskiptum sem ég stundaði. Inntak mitt er einungis þetta, látum þá sem hæfastir eru sinna því sem þeir eru hæfastir í, opinberir aðilar eiga ekki að taka þátt í ofurflóknum milliríkjaviðskiptum, innlendir og eða erlendir lögmenn og menn sem kunna til viðskipta og klækja þeirra eiga að sinna þessu verkefni. Þar sem nú má reikna með nýjum samningaviðræðum treysti ég og trúi að sú verði reyndin að “alvöru menn” verði sendir til næstu adrennu.

Athugasemdir

[Eyjólfur G Svavarsson, 2.9.2009 kl. 10:04]

Vel mælt Haraldur, svo segir jarðfræðigurinn við getum borgað og við skulum borga hvað sem á gengur!! Það ætti að færa hann niður lægstu launatexta og athuga hvort hann hættir ekki þessu bulli og fari að líta á veruleikan opnum augum.